Quellen zur Geschichte der Juden im Bistum Würzburg (1273-1347)

Zurück zur Übersicht

657 Quellen in diesem Teilcorpus. Sie sehen die Quelle 634.

Bm. Würzburg 1, Nr. 635

1341 Oktober 24, Landshut

Kaiser Ludwig der Bayer erlaubt der Mergentheimer Deutschordenskommende auf Widerruf, in der Stadt fünf Juden mit ihren Haushalten anzusiedeln. Sollte einer seiner Nachfolger die Erlaubnis aufheben, soll den Juden vier Wochen Zeit gegeben werden, Mergentheim zu verlassen.

Wir Ludowig von gotes genaden Roͤmischer Keiser ze allen ziten merer des Riches Bechennen und tuͦn chunt offenlichen mit disem brief. Daz wir den erbern geistlichen mannen dem conmentiur und dem hus gemeinlichen der Tuͤtzschen herren ze Mergentheim unsern liben Dymuͤtigen durch besunder genad und gunst die wir in tragen und auch durch der dienst willen die si uns getan habent und noch teglich tuͦnd die genad getan und tuͦn auch mit disem brief. Daz si fuͤnf seszhaft Juden mit allem irin husgesinde und mit allen rechten eren und diensten di da von gevallen muͤgen ze Mergentheim haben und enthalten suͤllen als lang bis an unser oder unser Nachkomen willen und widerruͤfen. swann auch wir oder unser Nachkomen dis unser genad widerruͤffen so suͤllen si die obgenanten Juden dar nach vier wochen haben und halten daz si die in der frist an ir gewarheit dester bas fuͤren und bringen muͤgen.

Und des ze urchuͤnd geben wir in disen brief versigelt mit unserm kayserlichen Insigel.

Der geben ist ze Landshuͦt an Mitwochen vor Symonis und Jude. Nach kristus geburt Driuzehen hundert iar dar nach in dem ainem und vierzigisten Iar. In dem siben und zweinzigisten iar unsers Riches. Und in dem vierzehenden des Keysertuͦms.

Überlieferung:

Stuttgart, HStA, H 51, U 428, Orig., dt., Perg.

  • Regesten zur Geschichte der Juden in Deutschland, Nr. 134, S. 44.
  • Klebes, Orden (2002), S. 218 f.
  • GJ 2, 2, S. 538.

(bkr.) / Letzte Bearbeitung: 06.05.2015

Zitierhinweis

Corpus der Quellen zur Geschichte der Juden im spätmittelalterlichen Reich, hg. v. Alfred Haverkamp und Jörg R. Müller, Trier, Mainz 2015, WB01, Nr. 635, URL: https://www.medieval-ashkenaz.org/WB01/CP1-c1-01cv.html (Datum des Zugriffs)

Lizenzhinweis

Die Datensätze stehen unter einer Creative Commons Attribution 4.0 International (CC BY 4.0) Lizenz und können unter Berücksichtigung der Lizenzbedingungen frei nachgenutzt werden. Sofern nicht anders angegeben, sind die verwendeten Bilder urheberrechtlich geschützt.

Zurück zur Übersicht