Zurück zur Übersicht

199 Quellen in diesem Teilcorpus. Sie sehen die Quelle 40.

• ««
• «
• »
• »»

Stadt Köln 1, Nr. 40

1309 Januar 31, Köln

Der Kölner Erzbischof Heinrich von Virneburg bestätigt die Gründung eines Hospitals für jüdische Konvertiten und bedürftige Frauen durch den Lombarden Stristam von Troia und den Kölner Bürger Adolf von Revel, regelt in diesem Zusammenhang die Rechte des damit verbundenen Oratoriums und Friedhofes und stellt allen Wohlätern der Einrichtung einen vierzigtägigen Ablass in Aussicht.

Indulgentia domini Henrici archiepiscopi Coloniensis de tumulandum pauperibus apud hospitale omnium sanctorum seu fundatio hospitalis et ecclesia anno 1308.

 

Henricus dei gratia sancte Coloniensis ecclesie archiepiscopus, sacri imperii per Italiam archicancellarius universis presentia visuris salutem in domino sempiternam. Cum inter opera caritatis pulchriora et magis deo grata non poterint inveniri quam ut pauperibus, qui a iudaico errore nudi quasi modo geniti omnibus post se relictis ad fidem catholicam conversis et sacri baptismatis fonte ablutis et in suum sancte matris ecclesie receptis fidelium subveniatur auxilio ne forte egestatis et inopis sacrina oppresso necessitate regente propter defectum vestitus cottidiani virtus a fide catholica recidivent ad pristinam tentatem redeuntes. Similiter et quam ut pauperibus puellis debilibus et infirmis que propter feminei sexus verecundiam in hospitalibus cum viris conversari verentur fidelium elemosinis succuratur. Accesserunt igitur ad nos viri probi Stristramus Lumbardus de Troia noster fidelis officiatus et Adolphus de Revele civis Coloniensis, qui divino spratu inflammati ad subveniendum huiusmodi necessitatibus domos suas fundatus proprias cum curia et omnibus ad eas pertinentiis sitas infra limites parrochialis ecclesie sancti Kuniberti Coloniensis appellatos Zum grunenwalde adhec contulerunt (1) cupientes in eodem loco de facultatibus suis sibi ad recollatis oratorium erigere et edificare et hospitale ibidem facere, in quo pauperibus predictis tam in spiritualibus beneficiis quam in temporalibus possit subveniri. Supplicantes nobis humiliter et devote, ut dictum oratorium cum cymiterio pro huismodi pauperibus decedentibus ibidem sepeliendis, quia ecclesia per zelis longe distat ab eodem loco conferrari et in ipso oratorio misse et divina officia celebrari et in ipso cimiterio ipsi mortui sepeliri possint salvo iure matricis ecclesie, prout ad nos pertinet auctoritatem prestaremus et consensum benivolum adhibere dignaremus. Nos vero cum ipsorum pium affectum inspicimus eorum supplitationibus annuentes, quia cultus divinus repromissis noscitur ampliari, quod ipsum oratorium dummodo formam ecclesie habeat cum cimiterio conferrari, missa et divina officia ibidem celebrari et in dicto cimiterio ipsi pauperes decedentes sepeliri possint iure matricis ecclesie predicte in omnibus sibi salvo ob dei venerantiam et factorum eius presentibus indulgemus. Et etiam ut fidelium mentes ad pietatis opera ardentius inflammentur omnibus Christi fidelibus, qui ad predictum oratorium et hospitale devote accesserint et qui ad sustentationem eorundem manus suas porrexerint adiutrices singulis quadraginta dierum indulgentias de iniunctis sibi penitentiis misericorditer relaxamus.

Datum et actum Colonie anno domini millesimo trecentesimo octavo, feria sexta post Conversionem beati Pauli apostoli.

(1) Es folgt gestrichenes contulerunt.

Überlieferung:

• REK 4, Nr. 2033, S. 485 f.

Kommentar:

Zur Gründung des Hospitals vgl. auch KO01, Nr. 46.

(bel.) / Letzte Bearbeitung: 07.03.2018

Zurück zur Übersicht