Zurück zur Übersicht

250 Quellen in diesem Teilcorpus. Sie sehen die Quelle 246.

• ««
• «
• »
• »»

Bm. Konstanz 1, Nr. 246

1347 Mai 9

Die Rottweiler Bürger Heinrich der Kanzler und seine Frau Katharina schulden dem Villinger Juden Mannes, Sohn Süßkinds von Oberndorf, 20 Pfund Heller und stellen ihm mehrere Rottweilerer Bürger als Bürgen.

Ich Hainrich der Kanczler und Katherrina sin elichin vruwen, burger ze Rottwil, verienhen offenlich mit disem briefe, daz wir und unser erben unverschult schuldig sint und gelten sunt Mannen, Suzkintz sun von Oberndorffe, ain juden zu Vilingen, und .. sinen erben zwaintzge pfunde pfennig guter Haller houptguͦtz. Daruf schl[e]chter und g[e]wonlich gesuͦch gan sol von dem tage, als dirre brief geben ist, und ouch iemer untz er dirre schuld gaͤntzlich gewert wirt. Und haben im darumb ze burgen gesetzet unverschult Johann Schowen, Hugen an Haldim (Haldum?), den Jungen, und Cuͦnrat den Roten, burger ze Rotwil, also swa wir In houptguͦtz und gesuͦchs nie weren uf sant Jacobs tag den naͦhsten, so mag er und .. sin witen die vorgenanten allo ze mal darumb manen nach dem zil, swenne er wil die ze Rotwil laisten sunt usserhalb iren husern in offener wirt husern taͤglich vollen mas an geverde, als da sitlich und gewonlich ist. Und von der gyselschaft niemer ze komen, untz der Jude houptguͦtz und gesuͦchs gaͤntzlich gewert wird. Sturbe ouch der burgen dehainer, daz got wende, so sullen wir im ainen andern als g[e]wissen geben in aht tagen den nahsten, so er an unz gefordert wirt, oder die lebenden sunt laisten der su mant untz der burge gegeben wirt. Wir haben ouch glopt den burgen hie von ze helfen aͧn iren schaden und den vorgenanten Mannen und sin erben, ob er enwaͤr der zwaintzige pfund Haller und dez gesuͦchs ze weren ane allen gebresten. Und han ich Hainrich der Kantzler darumb min Insigel ze urkunde gehenkhet an disen brief. Geben an der uffort abend nach krystus geburt druzehenhundert iar in dem suben unde viertzigesten jare.

Überlieferung:

• UB der Stadt Rottweil 1, Nr. 211, S. 96;
• Urkundenlese aus dem Archiv der Reichsstadt Rottweil, Nr. 20, S. 181;
• Regesten zur Geschichte der vormaligen Reichsstadt Rottweil, Nr. 32, S. 24.

• Buhlmann, Familie (2010), S. 11 f.;
• GJ 2, 2, S. 617 und 854;
• Roder, Juden in Villingen (1903), S. 28.

(Michael Schlachter) / Letzte Bearbeitung: 29.07.2020

Zurück zur Übersicht