Zurück zur Übersicht

340 Quellen in diesem Teilcorpus. Sie sehen die Quelle 84.

• ««
• «
• »
• »»

Ebm. Mainz 1, Nr. 85

1303 August 30

Eberhard Edler von Sponheim und seine Ehefrau Lisa bekunden, dass sie dem Juden Isaak von Kirchberg sämtliche ihnen von ihren Verwandten Graf Simon und Graf Johann von Sponheim als Erbteil angewiesenen Dörfer und Güter in der Pfarrei Sohren mit allen dazugehörigen Besitzungen und Rechten für 750 Mark Kölner Pfennige verpfändet haben, die Isaak ihnen gezahlt hat. Letzterer darf diese Rechte und Einkünfte ungestört besitzen und nutzen, ohne dass irgendetwas an der Hauptschuld abgezogen wird, bis die Aussteller oder ihre Erben sie für 750 Mark ausgelöst haben, die Isaak in Kirchberg auszuhändigen sind. Sobald dieser 400 Mark erhalten hat, soll er die Hälfte seiner Einnahmen an Eberhard und Lisa abtreten, doch im Besitz seiner Pfandschaften verbleiben, bis er die restliche Summe bekommt. Bei Rückgabe der Güter wird er für eventuelle Verschlechterungen nicht haftbar gemacht. Sollte er unter irgendwelchen Schädigungen durch die Aussteller oder deren Erben leiden, hat er Anspruch auf vollen Ersatz nach dem diesbezüglichen Urteil Graf Simons von Sponheim. Gemäß dem Wunsch des Juden, mit dem die Aussteller einverstanden sind, soll im Falle von Isaaks Tod vor Auslösung der Pfänder der Graf dieselben zu unveränderten Konditionen innehaben.

Ego, Eberhardus, nobilis de Spanheim, et Lisa, mea legitima collateralis, ad universorum notitiam pervenire volumus presentibus publice profitentes, quod nos unanimi consensu et bona voluntate iudeo Isaac de Körperch villas nostras Soren et alias pertinentes in perrochiam [!] Soren, quas nobis nobiles viri domini Symon et Iohannes, fratres comitis de Spanheim, consanguinei nostri, pro parte hereditatis nostre assignarunt una cum hominibus attinentibus eisdem villis, intra vel extra iurisdictionem commorantibus, agris, aquis, precis, campis, cultis vel incultis, silvis, nemoribus, pascuis, aquis aquarumque, decursibus nec non cum iudiciis, redditibus, proventibus et universis iuribus et singulis, sicut nos hactenus ea tenuimus, pro septingentis et quinquaginta marcis denariorum Coloniensium, tribus hallensibus pro denario quolibet computatis, nobis ab eodem iudeo numeratis, traditis et solutis, titulo pignoris obligavimus in hunc modum, ita sane, quod idem iudeus ex nunc inantea predictas villas bona et homines, pleno iure pacifice teneat et quiete possideat, recepturus in eisdem villis, bonis et hominibus, census, pensiones, precarias sive exactiones, hospitia et omnes obventiones, que de ipsis iure vel consuetudine poterunt evenire. Et nihil penitus ex hiis omnibus, que receperit, de suo debito principali defalkabit, donec per nos aut heredes nostros prefate ville, bona et homines cum summa septingentarum et quinquaginta marcarum denariorum bonorum et legalium Isaac predicto in opido [!] Kyrperch notorie numerata, presentata et assignata integraliter redimantur. Quocumque autem tempore prefato Isaac quadringentas marcas denariorum bonorum et legalium monete predicto in oppido Körperch notorie numeraverimus, presentaverimus et assignaverimus, ex tunc inantea prefatus iudeus ex omnibus, que de villis, bonis et hominibus receperit supradictis, nobis singulis annis medietatem integraliter assignabit, in quieta possessione tum omnium predictorum deinceps permansurus, donec superstites trecente et quinquaginta marce per nos aut heredes nostros sepedicto iudeo similiter et integraliter numerate fuerint et persolute, quibus quippe persolutis prefate ville, bona et homines ad nos et ad heredes nostros cum suis pertinentiis libere revertentur. Et nos supradictas villas, bona et homines in eo statu et existentia sicut tempore redemtionis inventa fuerint, recipere tenebitur nec ipsum iudeum amplius pro qualibet deterioratione aliqualiter facta impetere vel inquietare. Ut autem predictus iudeus omnia supradicta per nos sibi titulo pignoris obligata pacifice teneat et quiete possideat, promittimus eidem firmiter fide bona, quod nos omne dampnum sive impedimentum, si quid per nos aut heredes nostros, quod absit, illatum fuerit, in predictis omnibus quoquo modo ad veridicam assertionem nobilis viri, domini Symonis, comitis de Spanheim, consanguinei nostri, integraliter refundere er resarcire. Et quia sepedicto iudeo placuit et finaliter voluit, volumus et nos, sponte consentientes, ut post mortem sepedicti iudei, nobilis vir dominus Symon, comes predictus, et sui heredes, si decesserit, eidem succedant in villis, bonis, et hominibus et omnibus predictis per nos ipsi iudeo obligatis, habituri et possessuri eadem sub modis et conditionibus, quibus ea memoratus iudeus tenuit et possedit, donec ab eisdem sub modis et conditionibus superius expressis per nos aut heredes nostros redimantur. Hec omnia et singula prenotata inviolabiliter observare promittimus, fide prestita corporali, renunciantes expresse pro nobis et nostris heredibus in perpetuum omnibus exceptionibus, actionibus iuris et facti et omni iuris beneficio tam canonici quam civilis, per quas vel per quod contra premissa aut aliquid premissorum aquis (1) arte vel ingenio venire possemus quomodolibet in futurum. In quorum omnium testimonium et memoriam presentem literam [!] sigillis nobilium virorum domini Heinrici de Spanheim, fratris mei, Eberhardis predicti, domini Symonis et Iohannis fratrum, comitum de Spanheim, predictorum una cum sigillis nostris dedimus communitam. Datum anno domini, millesimo trecentesimo tertio, feria sexra, que fuit in crastino decollationis beati Iohannis Baptiste.

(1) So irrtümlich anstatt aliqua.

Überlieferung:

• Regesten des Archivs der Grafen von Sponheim 1, Nr. 237, S. 196.

• GJ 2, 1, S. 399.

(gem.) / Letzte Bearbeitung: 24.10.2016

Zurück zur Übersicht